Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8506 Tibaut der dritte man,
        der vordes manegen prîs gewan:
        der was von Winden geborn.
        sît die den lîp hânt verlorn,
        sône durfet irz niht versuochen.
8511 und welt irs geruochen,
        sô gibe ich iu den besten rât,
        daz ir des vehtens abe stât.
        sô gemuot ist der starke man,
        swem er noch gesigete an,
8516 dem sluoc er abe daz houbet.
        ob ir des niht geloubet,
        und welt irz danne selbe ersehen,
        sô muoz iu alsam geschehen."
        dô sprach der künec Êrec:
8521 "ich weste wol, der Sælden wec
        gienge in der werlde eteswâ,
        rehte enweste ich aber wâ,
        wan daz ich in suochende reit
        in grôzer ungewisheit,
8526 unz daz ich in nû vunden hân.
[ zurück ]